身心微調節 · 免費小卡
宛之｜香港註冊中醫師 × 心理諮詢師
搵返你最緊嗰個位，每張卡都係 3 個 1 分鐘：一杯溫茶、按一個穴、做幾下呼吸。洗手間、茶水間、瞓前都做得到。
撳身體上嘅號碼，或者下面個名，直接跳去嗰張卡。
01 / 09
低頭覆訊息・陪做功課
中醫睇法不通則痛：頸一硬，氣血就行得唔順
心理學睇法壓力時，肌肉會自動繃緊「備戰」
溫茶・1 分鐘
一杯溫水
細啖飲，郁下條頸先
按穴・1 分鐘
撥後溪 1 分鐘
握拳，掌紋盡頭靠枱邊撥，再轉頸 5 下
呼吸・1 分鐘
吸 4 秒、呼 6 秒
做 5 次，呼氣時下巴微微收
趕時間？10 秒版握拳，將掌紋盡頭靠住枱邊，左右撥 10 秒
低頭好耐，就抬頭望遠 10 秒。
體質因人而異；孕婦、長期病患或正在服藥者，按穴或飲茶前請先諮詢註冊中醫師。
返去揀第二個位 ↑02 / 09
責任扛晒上身
中醫睇法肝主疏泄：條氣唔順，好多時卡喺肩頸
心理學睇法長期「待命」，身體唔敢放鬆
溫茶・1 分鐘
溫陳皮水
陳皮理氣，一般保健用量即可
拍按・1 分鐘
拍肩頸＋按肩井 1 分鐘
同一方向拍頸到膊頭，再輕按肩井
呼吸・1 分鐘
呼氣時膊頭沉落去
吸氣聳膊、呼氣放低，做 5 次
趕時間？10 秒版由頸側向膊頭同一方向輕拍，再用中指輕按肩井 10 秒
唔係樣樣都要你一個人記住。
一般保健建議；孕婦不宜按肩井；長期病患或正在服藥者請先諮詢註冊中醫師。
返去揀第二個位 ↑03 / 09
忍住唔講出口
中醫睇法怒則氣上：嬲咗冇出口，氣就往上衝
心理學睇法研究指壓力係日間咬牙嘅主要誘因
溫茶・1 分鐘
玫瑰花茶
玫瑰常用嚟舒肝解鬱；經期量多者少飲
按穴・1 分鐘
頰車打圈 1 分鐘
指腹喺下頜角前上方打圈，力度舒服就得
呼吸・1 分鐘
舌頂上顎、上下牙分開
嘴唇輕合，慢慢呼 5 口氣
趕時間？10 秒版舌尖輕頂上顎、上下牙分開，指腹打圈按頰車 10 秒
有啲說話，講出嚟會輕鬆啲。
體質因人而異；孕婦、長期病患或正在服藥者，按穴或飲茶前請先諮詢註冊中醫師。
返去揀第二個位 ↑04 / 09
心口翳・成日想嘆氣
中醫睇法氣機鬱滯：氣卡喺心口，所以成日想嘆氣
心理學睇法焦慮時，呼吸會變淺，停喺胸口
溫茶・1 分鐘
玫瑰花茶
心口翳、易煩時飲一杯
按穴・1 分鐘
輕揉膻中 1 分鐘
掌根貼住，順時針慢慢揉
呼吸・1 分鐘
腹式呼吸
手放胸同肚，吸 4 呼 6，等肚郁
趕時間？10 秒版一手放膻中、一手放肚，吸 4 呼 6，等下面隻手郁
嘆氣唔係唔好，係身體想鬆一鬆。
體質因人而異；孕婦、長期病患或正在服藥者，按穴或飲茶前請先諮詢註冊中醫師。
返去揀第二個位 ↑05 / 09
一緊張就胃脹
中醫睇法思則氣結：諗得多，脾胃就打結
心理學睇法腸腦相連：情緒緊張，消化好多時都會受影響
溫茶・1 分鐘
飯後溫陳皮水
細啖慢飲，唔好凍飲
撫按・1 分鐘
順時針撫中脘 1 分鐘
手掌貼住，輕輕打圈；飯後唔好大力按
呼吸・1 分鐘
飯後行 5 分鐘
一邊行一邊吸 4 呼 6
中脘趕時間？10 秒版手掌貼住中脘，順時針輕撫 10 圈
食飯時，盡量唔好同時諗工作。
體質因人而異；孕婦、長期病患或正在服藥者，按穴或飲茶前請先諮詢註冊中醫師。
返去揀第二個位 ↑06 / 09
「我唔可以病」
中醫睇法腰為腎之府；恐則氣下
心理學睇法長期唔安全感、照顧同經濟壓力
溫茶・1 分鐘
溫紅棗水或溫水
少量就夠；易上火者改飲溫水
暖按・1 分鐘
搓熱雙手暖腎俞 1 分鐘
掌心貼住後腰，上下輕擦到微暖
呼吸・1 分鐘
瞓低屈膝慢呼吸
膝頭屈起，感受後腰貼住床
趕時間？10 秒版雙手搓熱，掌心貼住腎俞，暖住 10 秒、慢慢呼吸
你唔使永遠都咁堅強。
體質因人而異；孕婦、長期病患或正在服藥者，按穴或飲茶前請先諮詢註冊中醫師。
返去揀第二個位 ↑07 / 09
腦袋停唔到・腦霧
中醫睇法耗神太過，氣血唔夠養神
心理學睇法心智負擔：腦袋 24 小時開會
溫茶・1 分鐘
菊花茶
用眼過度時飲；體寒者唔宜多飲
按穴・1 分鐘
按太陽＋閉目 1 分鐘
指腹輕輕打圈，放鬆眉心
呼吸・1 分鐘
方塊呼吸
吸 4、停 4、呼 4、停 4，做 4 輪
趕時間？10 秒版閉眼，指腹打圈按太陽 10 秒，放鬆眉心
腦袋都要收工，閉埋眼都算休息。
體質因人而異；孕婦、長期病患或正在服藥者，按穴或飲茶前請先諮詢註冊中醫師。
返去揀第二個位 ↑08 / 09
樣樣都要控制
中醫睇法勞宮喺掌心；手凍好多時同氣血有關
心理學睇法想控制一切，手會不自覺握實
溫茶・1 分鐘
一杯溫水
雙手捧住杯，感受個暖
按穴・1 分鐘
按勞宮 1 分鐘
拇指按住另一手掌心，張手握拳 5 次
呼吸・1 分鐘
搓熱雙手蓋眼
掌心蓋住眼，慢慢呼 5 口氣
趕時間？10 秒版張手、握拳 5 次，再用拇指按另一手勞宮 10 秒
放低少少，事情都唔會亂晒。
體質因人而異；孕婦、長期病患或正在服藥者，按穴或飲茶前請先諮詢註冊中醫師。
返去揀第二個位 ↑09 / 09
唔敢停低
中醫睇法腳係根：湧泉喺腳底，引氣向下
心理學睇法唔安全感時，身體會「釘住」唔敢郁
溫茶・1 分鐘
瞓前溫水或無咖啡因花草茶
瞓前避免濃茶、咖啡
搓穴・1 分鐘
搓湧泉 1 分鐘
沖完涼後用手掌搓到腳底微暖
呼吸・1 分鐘
腦袋關機
留意身體貼床；念頭嚟到，放低佢
趕時間？10 秒版瞓前用手掌搓湧泉，搓到微暖，約 10 秒
停低一陣，唔代表你輸咗。
體質因人而異；孕婦、長期病患或正在服藥者，按穴或飲茶前請先諮詢註冊中醫師。
返去揀第二個位 ↑你狀態好，屋企人都會感受到。今日揀一個位試一次就夠，唔使全部做晒。
本頁內容屬一般保健及自我觀察參考，唔可以代替診症或心理治療。茶飲及穴位按壓體質因人而異；孕婦、長期病患或正在服藥者，請先諮詢註冊中醫師。如身體不適持續，請盡快正式求診；如情緒困擾持續或有傷害自己嘅念頭，請致電撒瑪利亞防止自殺會 24 小時熱線 2389 2222。